അകകണ്ണ്

കാഴ്ചയുണ്ടായിട്ടും
കാണേണ്ടതൊന്നും കാണാത്തവർ
കണ്ടിട്ടും കണ്ടില്ലെന്നു നടിക്കുന്നവർ
കാഴ്ചയുടെ സത്യത്തെ അന്ധതയുടെ
ആവരണം ചാർത്തി അസത്യമാക്കുന്നവർ
കാഴ്ചയില്ലാഞ്ഞിട്ടും എല്ലാം കാണുന്നവർ
അകകണ്ണിൽ കാഴ്ചയുടെപൊരുളറിയുന്നവർ
കാഴ്ച
ചിലപ്പോൾ നീറുന്ന വേദനയാണ്
ചിലപ്പോൾ സുഖമുള്ള ആനന്ദമാണ്
ചിലപ്പോൾ മത്ത് പിടിപ്പിക്കുന്ന ലഹരിയാണ്
ചിലപ്പോൾ അസഹ്യമായ ഒരു നീറ്റലാണ്
കാഴ്ചയുടെ അളവുകോലിലൂടെ
ഹൃദയം അളക്കാൻ ശ്രെമിക്കുന്നവർ
ഹൃദയം പകുക്കാൻ ശ്രെമിക്കുന്നവർ
കാഴ്ചക്കു ദൂരമേറും തോറും
മങ്ങിയതെങ്കിലും നിലക്കാത്ത
പ്രകാശരേണു നമ്മെ കൈമാട്ടി വിളിക്കും
അടുക്കും തോറും കാഴ്ച്ച
നമ്മിലേൽപ്പിക്കുന്ന പ്രഹരം
ചിലപ്പോൾ നമ്മെ ചുട്ടുപൊള്ളിച്ചുകൊണ്ടിരിക്കും
ഉറക്കം വരാത്ത രാത്രികളിൽ
കാഴ്ചയുടെ ഹൃദയം തുറന്നു നോക്കുമ്പോൾ
ഞാൻ തിരിച്ചറിയുന്നു
കാഴ്ച അറിവാണ്
അറിവിന്റെ ഉറവാണ്
ചിലപ്പോൾ അത്
അന്ധവും അനന്തവുമാണ്.
വെറുതെ കാണുന്നതിലല്ല
അറിയുന്നതിലാണ് കാര്യം എന്ന്
കാഴ്ച
നമ്മോട് പറയാതെ പറയുന്നു