മറവി

ബന്ധങ്ങള്‍ ബന്ധനങ്ങള്‍ ആകുമ്പോള്‍;
ആശകള്‍, ഒരു മയില്‍പീലി പോലെ
എഴുത്തോലകള്‍ക്കിടയില്‍ അടയിരിക്കുമ്പോൾ
മറവി ഒരനുഗ്രഹമാണ്.
എങ്കിലും, 
മറക്കാൻ ശ്രേമിക്കുംതോറും
ജാലക വാതിലിലൂടെ അരിച്ചിറങ്ങുന്ന
അരണ്ടവെളിച്ചത്തിലേക്കു-
മാടിവിളിക്കുന്ന ഓർമ്മതെറ്റുകൾ
മറവിയുടെ വിങ്ങലുകളാണ്.
ഹൃദയത്തിന്റെ വേവലുകൾക്കിടയിൽ
തെകിട്ടിയെത്തുന്ന നനുത്ത ഓർമ്മകൾ
മറവിയുടെ സ്വാന്തനമാണ്.
ഉപ്പുനീരിൽ മുങ്ങിയ ജീവിത യാത്രക്കിടയിൽ;
കൈവിട്ടുപോയ സൗഹൃദങ്ങൾക്ക്,
നഷപെടുത്തിയ പ്രണയത്തിന്,
അകന്ന് പോയ നാടിനും പേരിനും,
പിന്നെ ഞാനെന്ന സത്വത്തിന്
മറവി.. ഒരു നോവാണ്...
സുഖ-ദുഃഖ സമ്മിശ്രമായ
ഒരു നോവ്..